Senators-elect wey dey eye di seat before di inauguration of di 10th National Assembly for June 2023 don start to lobby.
Ali Ndume, one senator wey dey represent Borno South Senatorial District, don talk say aspirants wey dey lobby for di seat dey buy vote from dia colleagues.
Basiru wey tok about di matter on Channels TV’s Sunrise Daily don talk say "E no good and e dey dangerous if leaders wey dey inside Senate and House of Representatives suppose dey buy votes."
"E fit cause danger for democracy but if dem wan do lobbying, e go dey okay make you wan support me for Senate president or for one particular committee, I feel say e dey acceptable."
"But wen e come to di actual purchase, if I fit use dat word, e dey dangerous for democracy. Even so, National Assembly go need to address di issue of vote buying and people wey dey get to position sake of dat kind of motivation," Basiru add.