Gov Hope Uzodunma of Imo state don tell southeast youths say dem no need protest against govment. Him say dem wey dey call for protest na enemies of country wey wan destabilise govment.
Him talk dis tins for Abakaliki, Ebonyi state capital, during APC campaign for local govment election. Him say southeast people no get reason to protest against govment of di day, say fed govment and Pres Bola Tinubu dey work hard to bring lasting solution to econo challenges wey dem dey face.
Uzodunma, wey be chairman of Southeast Govs Forum, appeal to people to give govment more time to work and fix challenges. Him say: "To southeast youths, our enemies dey try to disorganize govment. Dem go come to una, dem go want una to protest, ask dem where dem children dey. Why una go dey protest against wetin? Dis govment na our govment, Pres Bola Tinubu govment na our govment. So nobody from southeast go protest. We no dey aggrieved, we get hope."
"Anytin wey dem tok, dis govment na only one year for office. Yes we know say things hard, but I promise una say presido dey work hard to release money to people, deliver infrastruture to people and increase food security to people. Follow una leaders, work with una leaders."
APC national chairman, Abdullahi Ganduje, also talk say Nigerians suppose support presido to better people's living standards. "I call on every Nigerian to support Pres Bola Ahmed Tinubu, VP Kashim Shettima and Fed Govt for dem efforts, programmes and actions wey dem take to ensure better living standards for Nigerians. I believe and I confident say soon, Nigerians go dey smile and acknowledge di prudence and effective results of dem support for APC", Ganduje talk.
Source: Prime 9ja Online Pidgin: Gov Uzodinma Say Nobodi From Southeast Go Protest Against Tinubu Govment