Abubakar Alhassan, wey be di director-general of KADCHMA, yan dis one as e be for di time wey dem dey register 120 women wey dey carry belle inside di scheme wey Lifidi Jama’a Charity Foundation arrange for Kafanchan, Kaduna state.
E talk say the number include pipo wey dey di formal and informal sectors, e add join say dem don reach 98 per cent coverage for those wey dey formal sector for di state.
“As we take relate to the informal sector, wey mostly dey make up of vulnerable groups, we never dey where we suppose dey but we dey make progress.
The KADCHMA boss praise di foundation for how dem take ensure say women wey dey carry belle no dey left out for di scheme.
“Today na 'noda milestone for us and you sabi wetin dat one mean for these women wey carry belle.
“E mean say for di next one year, these 120 women go dey go hospital dey do antenatal and e go later get to di time wey dem go born under our scheme.
“Dis one go get better effect as e take relate to how women dey take born and di small pikins for Kaduna State.
For im own comment, Bashir Idris, wey be founder and chairman of di foundation, talk say dem do dis one sake of say e dey important to always dey help pipo wey no get plenti money for society.
Mr Idris yan say e no dey better way to show God thank you for e many blessings wey dey for person life pass to help pipo wey dem neva rich.
E call on oda pipo wey get mind and oda organisations make dem join hand with government to take care of pipo wey no get much.
“If God don bless you, e dey right make you thank am by helping pipo wey no get. You no suppose get all di money for dis world before you fit think to help odas, so I wan beg odas make dem do di same thing.”
For their own talk wey separate, Paul Anya and Abdullahi Alhassan, wey be chairmen for di Christian Association of Nigeria and Jama’atu Nasril Islam for Jema’a LGA, talk say anybody wey dey look after poor pipo dey look after God.
Some of di pipo wey register wey follow yan for di event, thank di founder of di foundation sake of say e show dem love and pray make God bless am.
Di foundation still give money to 120 pipo wey blind, deaf and oda pipo wey dey get physical challenge.