Di actor take reach Twitter to remind President Tinubu how im (Tinubu) bin fight for democracy for many years, and e still hail di President as person wey dey build and support men and women.
"To our Leader, President Bola Ahmed Tinubu, @officialABAT GCFR. Di Jagaban. One man wey don fight for democracy for 3 decades, One person wey dey build and support men and women," Edochie tweet through im handle @yulEdochie.
"My President, abeg release Nnamdi Kanu. Na humble request from ya son," e tweet.
Kanu bin suffer for di time wey Muhammadu Buhari bin dey office sake of im call for di independence of Biafra. IPOB, wey e dey lead, bin dey ban by di Federal Government and dem declare am as terrorist organization.
Almost two years ago, wen Kanu bin dey travel from im house for Britain go Kenya, dem arrest am and bring am back to Nigeria to face charges of treasonable felony. Since dat time, e don dey inside custody.
Before Yul Edochie put mouth for di matter, many important Nigerians bin don beg former President Muhammadu Buhari, and now, President Tinubu, to free Kanu.
But some people no happy with Edochie's appeal.
"Na una problem be dis, wen di guy bin dey everywhere dey curse and dey threaten di federal government, nobody warn am. Now, una dey want make dem release am. Una dey high for hypocrisy. Abeg!" one Twitter user, @balogin, comment.
Anoda user, wey tweet through @Captainbee, talk say, "Dat guy go make Nigeria, especially di southeastern part, ungovernable, so e better make dem keep am lock up for now."