Mr Jang Sungmin, di Special Envoy of di President of di Republic of Korea, Mr Yoon Suk Yeol, yan dis one for media parley on Tuesday for Abuja.
"Yoon Suk Yoel don send me as Envoy to dis great nation because na leader of Africa, get di biggest market, largest population, natural resources, and biggest arable land.
"Nigeria get all di criteria for economic power for Africa, and Korea na country wey get all di technologies, development know-how, and economic prosperity to lead di fourth industrial revolution.
"Korea don dey lead dat industrial revolution. So, President Yeol believe say by combining forces, Korea and Nigeria cooperation no go only bring prosperity and fast economic development for Nigeria but also prosperity for Africa.
"Di people wey dey my delegation show say President Yeol dey committed and ready to find better ways to cooperate with Nigeria.
"Specially, we dey look towards di younger generation workforce and natural resources wey Nigeria get, especially to enhance and lead di world's fourth industrial revolution," Sungmin tok.
Di envoy yan again say Korea get di technologies, knowledge, skills, and human resources for technological transfer, especially for areas like agriculture, cyber space, security, bio-technology, and oil refinery. He add say "Korea dey look forward to a future with Nigeria."
He still explain say as Tinubu dey lead Nigeria wit di new government wey don open di kontri for business, Korea dey interested to invest more for Nigeria.
Sungmin explain say President Yoel comprehensive diplomacy and foreign policy dey based on three pillars.
"Di aim na to enhance cooperation, especially wit countries wey share our common values of liberty, peace, and prosperity. Na those three pillars dey form di foundation of our foreign policy.
"We like to share and extend our cooperation, especially wit countries wey share dis common values.
NDLEA's fight against illicit drugs don get boost as US don assure support, collaboration
"We believe say Nigeria, especially Tinubu and Vice President Kashim Shettima new government, na goment wey fit share dis common values wit, to enhance new economy cooperation.
"Korea bin dey collect aid from other countries, na so we take become di 10th largest economy for di world.
"Now we dey use our position to give back to di international community. So, we dey look forward to cooperation wit Nigeria for dis sense," he yan.
For im own contribution, di Vice President of SK Company for Korea, Mr Guillaume Barthe-Dejean, yan say after di Korean war, dem fast develop sake of collaboration between di public and private sectors.
He yan say private sector stakeholders for Korea like SK, Samsung, and odas don support di Korean Government to develop economic policies, and na so Korea take become power house.