For one statement, Obaseki express im sadness over di death, talk say di late diplomat lead di most impressive and inspirational life wey impact di world and open doors for odas to find purpose and essence.
Di governor tok, "I dey deeply sad by di tori of di death of Basharu Danlami Umaru, one ace broadcaster, lawyer and diplomat, one consummate Nigerian and global icon, wey lead one impressive and inspirational life wey impact di world and open doors for odas to find purpose and essence.
"Basharu, wey come from Wukari for Taraba State, na one pikin wey get sharp sense, wey break all odds to reach di top of im academic pursuit. E start for Pacelli School for di Blind and Partially Sighted Children, Surulere, Lagos, den go Kings College, Lagos, and finally land for Cambridge University, wey e get two Masters Degrees.
"E bin get determination and passion for education and e care well well for di rights of pipo wey dey live with disabilities, wey push am to do global advocacy for di rights of pipo wey dey live with disabilities and dia better living conditions for United Nations."
Obaseki add sey, "Basharu bin get compassion and high talent, wey dey mesmerize audience with im magnificent voice and use im intellect serve humanity.
"E serve for many years as President of di Joint National Association of Persons with Disabilities and as one member of di United Nations Committee on di Rights of Persons with Disabilities.
"Pipo go always remember Basharu for im activism, intellectual curiosity, and im unwavering commitment to advance di rights of pipo wey get disabilities."
E add sey, "I dey sympathize with di Basharu family, friends, and associates and I dey pray say God go give dem di strength to bear dis irreparable loss."