Temitope Oseni, wey be Owode-Ijako Unit Commander of Traffic Compliance and Enforcement Corps (TRACE) for Ogun State, na him confirm di tori wey hapun for Sango-Ota wey dey Ogun state. Ms Oseni talk say di accident hapun around 8:35am on Thursday wey be say na the beginning of Easter break period.
According to her, one truck wey be say na Iveco truck with registration number: DED 266 DC bin dey on high speed and no control and e hit three oda motor-dem. Di moto-dem na Honda Pilot SUV, marked: APP 654 HA, Nissan Primera car, marked: EH 462 MK and a Mazda bus: marked APP 392 DJ.
Ms Oseni wey talk say di accident affect seven people for di different motor-dem, say two people dem injured and five people escape.
TRACE people don carry di two injured people wey dey the different motor-dem wey di accident affect go Diamond Hospital for Ijako for proper medical attention.
Ms Oseni don warn drivers and oda motorists for dis Easter period, make dem no dey drive their motor-dem on top speed because na for Easter period, dem dey always record plenty accident.
She come add say, make motorists dey avoid reckless driving wey fit cause serious accident, make we no go mourn for Easter period.