NSCDC Arrest Man Wey Impersonate Soldier to Scam Public

 Di Nigeria Security and Civil Defence Corps (NSCDC), Kwara Command, don arrest 42-year-old Abdulsalam Ajibola for allegedly impersonating soldier to scam di public. Di command public relation officer, Olasunkanmi Ayeni, yan dis one for one statement wey dem release for Ilorin on Monday.

Mr Ayeni talk say di command tracking unit arrest di suspect based on tori wey dem get. Dem find am for Oke-Onigbin, Isin Local Government Area of Kwara, on March 24.

Ajibola dey alleged say e scam one Abdullahi Saheed of N700,000 and Ropo Gabriel of N96,000 by telling dem say e go help dem gain admission into di Nigeria Defence Academy (NDA), Kaduna.

Di suspect also deceive one Prophet Samuel Olugbemiga to give am him Toyota Picnic car for commercial transportation wey e later run comot wit.

Mr Ayeni talk say dem go soon carry di suspect go court afta dem don finish dia investigation.

Source: Prime 9ja Online Pidgin: NSCDC Arrest Man Wey Impersonate Soldier to Scam Public