Bashiru wey talk dis thing for one statement don urge di federal government to take quick action to ensure di safety of Nigerian students wey dey study for Sudan.
Im talk say di ongoing conflict for Sudan fit threaten dia well-being and academic progress.
“We suppose understand say di effects of war dey very bad and e fit cost life, property, and even disrupt education. Nigerian students wey dey study for Sudan no dey immune to dis consequences and we no fit siddon look make dem suffer,” im talk.
Im come beg di federal government to take necessary measures to evacuate Nigerian students wey dey Sudan and provide dem wit di support and resources wey go help dem continue dia education.
Im talk say: “We no fit make di conflict wey dey Sudan come spoil dis students future. E dey our responsibility to protect and ensure say Nigerian students dey safe both for home and abroad. I dey beg di government to take action sharp sharp for dis matter.”