As dem dey yarn, Mr Carson sef talk say, unless something happen for court, Tinubu go swear in for May 29. E say for person to win for Nigeria election, like for most democracy for the world, e need three things, including plenty money, national working organisation and grass-root acceptance. Tinubu get all three during the election, while the other contenders no get all.
Mr Carson talk say for the Labour Party Presidential candidate, Mr Peter Obi no get the ground game and national organisation, but e very popular among the young, educated, urban and sophisticated people.
The diplomat talk say the presidential election wey dem do for Nigeria na one of the most competitive polls for Africa, but INEC need to improve for the next election.
Meanwhile, Lai Mohammed, the Nigerian Information Minister wey visit Mr Carson talk say INEC don improve well well with the new technology wey dem use, Bimodal Voter Accreditation System (BVAS) wey cut out fraudulent votes, ghost voters and multiple votes. Mohammed also yarn say the election happen when fuel shortage, insecurity and poorly timed cash swap policy still dey ground.
The minister also visit Council on Foreign Relations, Reuters News Agency, The Politico and Zenger News where e present the government narratives on the just concluded polls, economy and foreign affairs. Dem also talk about the recent investigation wey Reuters do on the alleged secret programmes of coerced abortion of women and girls freed from insurgents’ captivity.