Okocha talk say APC don tell members to maintain law and order and say make dem no do anything wey go disturb peace for di state. E also call on security agencies to take action wey go help to stop di tensions wey don dey increase for di state.
Him talk say, “We don see how politics wey dey happen for di state for the past don affect di lives of some people and cause insecurity for di state. We sabi wetin dem do take solve di matter. We don tell people wey dey vex for di election make dem use di law wey dey to resolve am. Anybody wey no follow APC advise, make dem take responsibility of wetin go happun”.
Meanwhile, some APC members, wey Mr Lucky Otto lead, don call for di dissolution of di party state executive. Dem accuse former Minister of Transportation, Chibuike Rotimi Amaechi and some party individuals of dey involved for anti-party activities during di February 25, 2023 national election for di state.
According to Otto’s, "As di crisis dey go on for APC State Executive arm for Rivers State, we wan make di National Working Committee of di party take action now by dissolving di State Executives of di All Progressives Congress, Rivers State.”