Babalola con hammer on top di security agencies make dem tight dia security for voters and adhoc staff of di Independent National Electoral Commission (INEC) during and after di gubernatorial and state Assembly polls wey go happen for Saturday.
Im still call for di arrest of di people wey cause di killings, as e talk say make Oyo State no fall into “war of political thugs” and killing of innocent people.
Babalola con describe di matter as reprehensible, ungodly and barbaric. E say e suppose no happen at all, if di leaders don tell dia supporters to follow peace before, during and after di elections.
Babalola beg gubernatorial candidates for di state make dem warn dia supporters to stop violent attacks and counter attacks. E still talk say violence fit threaten voters turn out and suppress participation for di election.
Di NUJ Chairman also give journalists warning say make dem shine dia eye wella for breaking and unverified news. Im beg dem say make dem filter and verify dia sources of information, and carry out diligent investigation before dem push am out.
Source: Prime 9ja Online Pidgin: NUJ Chairman Condemn Pre-Election Violence Wey Kill Three For Ibadan